देवदह । देवदह नगरपालिका वडा नं ७ को स्मृति सामुदायिक वनमा अवस्थित स्मृति पार्कमा वृक्षरोपण गरिएको छ । वातावरण संरक्षण गरे, हामि संरक्षित हुन्छौ भन्ने मुल नाराका साथ ड्रिम देवदह र स्मृति सामुदायिक वन काे संयुक्त आयाेजनामा पार्कमा ६०० बिरूवा रोपिएको हो ।
स्मृति सामुदायिक वनका अध्यक्ष भरत गुरुङ्गको अध्यक्षतामा भएको कार्यक्रममा ड्रिम देवदहका संयोजक शिद्धिचरण भट्टराईको प्रमुख आतिथ्यता रहेको थियो । सोही अवसरमा बोल्दै भट्टराईले पार्कलाई सुन्दर बनाउन उपभोक्ता र अभियन्ताहरूकाे साझा प्रयास जरूरी रहेको बताउनुभयो । उहाले पार्कलाई थप हरियाली र सुन्दर बनाउने उद्धेश्य सहित वृक्षरोपण गरिएको बताउनुभयो ।
जेभि फाउण्डेशन काठमाण्डौ बाट प्राप्त ५१० कपुरको वेर्ना लाईनवद्ध तवरले र अन्य फुलका बिरुवा उक्त पार्कमा लगाईएको ड्रिम देवदहका सचिव दिपेश बस्यालले जानकारी दिनु भयो । कार्यक्रमको संचालन सामुदायिक वनका सचिव शुशिला भट्टराईले गर्नु भएको थियो ।
