संयुक्त राष्ट्रसंघको आह्वानमा कङ्गोमा तैनाथ ‘नेप क्युआरएफ कम्पनी’ शान्ति सेनाको पहिलो डफ्फामा कार्यरत एक नेपाली शान्ति सैनिकको मृत्यु भएको छ।
‘अप्रेशन बाली’ का क्रममा मङ्गलबार घाइते भएका सुर्खेतका अनिल गुरुङको मृत्यु भएको नेपाली सेनाका प्रवक्ता नारायण सिलवालले जानकारी दिए। प्रमुख सेनानी निकिल कुँवरको कमान्डमा सञ्चालन गरिएको खोजतलास कारबाहीमा विद्रोहीको आक्रमणबाट गुरुङ घाइते भएका थिए।
उनलाई हेलिकोप्टर मार्फत उद्धार गरी उपचारका लागि बुनियाँस्थित लेबलऔ २ अस्पतालमा भर्ना गरिएको थियो। उपचारका क्रममै उनको मृत्यु भएको सिलवालले जानकारी दिए।
यसैबीच संयुक्त राष्ट्रसंघका महासचिवका सहायक प्रवक्ताले विज्ञप्ति जारी गर्दै दिवङ्गत नेपाली सैनिकप्रति श्रद्धाञ्जलि अर्पण गरेका छन्। शान्ति सैनिकमाथि गरिएको आक्रमणको संयुक्त राष्ट्रसंघले निन्दा गरेको छ।
NA peacekeeper inhabitant of Surkhet Pte Anil Gurung was declared dead while undergoing treatment at UN hospital, Bunia Congo. NA tribute high respect for his contribution and supreme sacrifice for the noble cause. Heartfelt condolence to his family members at this sad moment. https://t.co/B47x0dPXOu
— NASpokesperson (@NaSpokesperson) April 6, 2022
