काठमाडौँ । विस्केट जात्राको रथ तान्ने क्रममा रथले किचेर एक जनाको मृत्यु भएकाे छ । भक्तपुरको सूर्यविनायक नगरपालिका-५, कटुन्जेका ७१ वर्षीय दुर्गामान कसपालको मृत्यु भएको हो ।
बिज्ञापन
जात्राको अन्तिम दिन सोमबार रथलाई तान्दै भक्तपुरको पोटरी स्क्वायर नजिकै पुग्दा रथले किचेर कसपालको मृत्यु भएको बताइएको छ । रथले किचेर घाइते भएका कसपाललाई उपचारका लागि भक्तपुर अस्पताल लगिएको थियो ।
अस्पतालमा उपचारको क्रममा चिकित्सकले मृत घोषणा गरेका हुन् । अप्रिय घटना भए पनि सांस्कृतिक विधि अनुसार जात्रा भने नरोकिने स्थानीयहरूले बताए ।
बिज्ञापन
