देवदह– रुपन्देहीको देवदहमा लायन्स क्लब अफ देवदह पाकरी वृक्षको आयोजनामा रक्तदान कार्यक्रम सम्पन्न भएको छ।
नेपाल स्वयमसेवी रक्तदाता समाज, नेपाल मगर संघ, नेपाल रेडक्रस सोसाईटी , सिटिजन लाईफ इन्स्योरेन्स क.लि को सहयोगमा उक्त रक्तदान कार्यक्रम सम्पन्न भएको हो ।
लायन्स क्लब अफ देवदह पाकरी वृक्षले आफ्नो चार्टर्ड डे पारेर रक्तदान जीवन दान भन्ने मूल नाराको साथ यो कार्यक्रम गरेको र आगामी दिनमा समाजसेवा को बिभिन्न काम हरु निरन्तर गर्दै जाने क्लबको अध्यक्ष शोभाकुमारी थापाले बताउनु भयो ।। उक्त रक्तदान कार्यक्रममा ११ पिन्ट रगत संकलन गरिएको क्लबले जनाएको छ ।
कार्यक्रममा लायन्स क्लव ईन्टरनेशनल ३२५ वि २ नेपालका द्धितिय गर्भनर नवराज न्यौपाने, स्वयमसेवी रक्तदाता समाज रुपन्देहीका अध्यक्ष कृष्ण चौहान क्षेत्री, क्लवका पुर्वअध्यक्ष मिना गुरुङ्ग लगायतले आ–आफना भनाई राख्नु भएको थियो । कार्यक्रम क्लबको अध्यक्ष शोभाकुमारी थापाको अध्यक्षता, झर्ना थापाको स्वागत र क्लवका सचिव विन्दु थापाको संचालनमा सम्पन्न भएको थियो ।
