देवदह // लायन्स क्लब अफ देवदह प्रोफेसनल युथद्वारा वृक्षारोपण कार्यक्रम सम्पन्न भएको छ । देवदह ४ भवानीपुर स्थित मायादेवी मन्दिर परिसरमा उक्त कार्यक्रम सम्पन्न भएको हो ।
कार्यक्रममा बोल्दै कार्यक्रमका प्रमुख अतिथी जि एस टि कोडिनेटर आशिष कृष्ण श्रेष्ठले वृक्षरोपण कार्यक्रम पवित्र कार्य भएको बताउँदै यसलाई लायन्स बाटिकाको कन्सेप्टमा लैजान आग्रह समेत गर्नुभयो । उहाले वातावरणलाई स्वच्छ, सफा र हराभरा तुल्याउन रोपेको रुख बिरुवालाई हुर्काउने दायित्व उत्तिकै रहने र रेखदेख गर्न क्लबका पदाधिकारीहरुलाई आग्रह गर्नुभयो ।
सोही अवसरमा बोल्दै देवदह नगरपालिका वडा नं ४ का वडा अध्यक्ष दमननाथ रेग्मीले मन्दिर क्षेत्रलाई सफा, सुरक्षित र रमणीय बनाउनु सबैको साझा दायित्व भएको बताउनुभयो । उहाले वातावरण संरक्षणका लागि युवाको सक्रियता सुखद रहेको बताउनुभयो ।
वृक्षरोपण कार्यक्रममा आँप, लिचि, असोका, चेरि, कपुर लगायतको बिरुवा रोपिएको थियो । उक्त कार्यक्रममा क्लबका पुर्व अध्यक्षहरु, संस्थाका सदस्य र समाजसेवीहरु उपस्थिति रहेको थियो ।
कार्यक्रम क्लबका अध्यक्ष विजय अमगाईको अध्यक्षता, उपाध्यक्ष गोपाल पाण्डेको स्वागत र क्लबका सचिब दिनेश चौधरीको सञ्चालनमा भएको थियो ।
