रोटरी क्लव अफ बुटवलको १४ सय ८५ औं नियमित बैठक एवं तेस्रो क्लव एसेम्बली शनिबार सम्पन्न भएको छ ।
क्लवका अध्यक्ष करुण खनालको अध्यक्षतामा बसेको बैठकको एजेण्डा क्लव एसेम्बली रहेको थियो । बैठकमा क्लवका सचिव तारानाथ भट्टराईले अघिल्लो बैठकका निर्णयहरुबारे जानकारी गराएका थिए ।
बैठकमा एजी सुरज क्षेत्रीले क्लव एसेम्बली एजेण्डा अगाडि बढाएका थिए । बैठकमा क्लव एडमिन्स्ट्रेशन कमिटी चेअर मणिरत्न पाण्डेले क्लव मेम्बरसीप कमिटीका तर्फबाट हालसम्मको प्रगति विवरण पेश गरेका थिए भने पव्लिक रिलेशन स्ट्याण्डिङ कमिटी चेअर दया भण्डारी, द रोटरी फाउन्डेशन कमिटी चेअर खिमनारायण पराजुली, सर्भिस प्रोजेक्ट कमिटीका तर्फबाट शिवकुमार ज्ञवालीले आ–आफ्नो कमिटीको प्रगति विवरण प्रस्तुत गरेका थिए ।
त्यस अवसरमा क्लवका एजी सुरज क्षेत्रीले रोटरी क्लव अफ बुटवलका विभिन्न कमिटीले गरेको काम प्रभावकारी रहेको भन्दै डिसेम्बरमा हुने डिजी भिजिटमा रोटरी क्लव अफ बुटवलका तर्फबाट प्रभावकारी कार्ययोजना प्रस्तुत गर्नेगरी तयारी गर्नुपर्ने बताएका थिए ।
बैठकमा रोटरीयनहरु अजयमान श्रेष्ठ, लालहरि पाण्डेलगायतले पनि आफ्नो धारणा राखेका थिए । बैठकले जाजरकोट, रुकुम पश्चिम लगायतका ठाउँमा भुकम्पले ठूलो धनजनको क्षति पुर्याएको भन्दै मृतकहरुप्रति शोक प्रस्ताव पारित गर्दै घाइतेहरुको शीघ्र स्वास्थ्यलाभको कामना गरेको छ । त्यस्तै बैठकमा अध्यक्ष करुण खनालले भुकम्पप्रभमावित क्षेत्रमा क्लवको तर्फबाट छिटै नै राहत सामग्री पुर्याउने प्रतिवद्धता जनाएका थिए ।
