बुटवल, मंसिर ४ गते सम्पन्न भएको प्रतिनिधिसभा तथा प्रदेशसभा निर्वाचनमा रुपन्देही क्षेत्र नं. २ बाट ६३.७८ प्रतिशत मत खसेको छ । जसमा स्थानीय तहको निर्वाचन भन्दा ४.४२ प्रतिशतले कमि खसेको हो ।
रुपन्देही क्षेत्र नं. २ अन्तर्गतका २३ वटा वडामा कुल मतदाता १ लाख २६ हजार ८ सय ७ रहेका छन् भने आज सम्पन्न भएको निर्वाचनमा ८० हजार ८ सय ८० मत खसेको प्रारम्भिक जानकारी आएको छ ।
रुपन्देही क्षेत्र नं. २ मा बुटवलका १ देखि १३ सम्मका वडाहरु, सैनामैनाका १ देखि ४ सम्मका वडाहरु र तिलोत्तमा नगरपालिकाका १ देखि ६ सम्मका वडाहरु पर्दछन् । रुपन्देहीको यस क्षेत्रमा शान्तिपूर्ण ढंगले निर्वाचन सम्पन्न भई अहिले मतपेटिका मतगणना स्थल बुटवल उपमहानगरपालिकाको कार्यालयमा लैजाने क्रम जारी रहेको र अहिले ९ बजे सर्वदलिय बैठक बसी आज रातीदेखि नै मतगणना गर्ने तयारी भइरहेको जानकारी प्राप्त भएको छ ।
