बुटवल । मंसिर ४ गते सम्पन्न भएको प्रतिनिधिसभा तथा प्रदेशसभा सदस्य निर्वाचनमा रुपन्देही जिल्लाबाट प्रत्यक्ष तथा समानुपातिक तर्फ ५ देखि ८ प्रतिशतसम्म बदर मत भेटिएको छ ।
प्रतिनिधिसभा सदस्य निर्वाचनको पहिलो हुने निर्वाचित निर्वाचन प्रणालीतर्फ खसेको मतको ५.६८ प्रतिशत मत बदर भएको छ । खसेको मत ४ लाख ३१ हजार ९ सय ७४ मा २४ हजार ५ सय २१ मत बदर भएको जिल्ला निर्वाचन कार्यालयले जनाएको छ ।
त्यस्तै प्रदेशसभा सदस्य निर्वाचनको पहिलो हुने निर्वाचित निर्वाचन प्रणालीतर्फ कुल खसेको मत ४ लाख ३१ हजार १७ मध्ये २१ हजार ५ सय २४ अर्थात ४.९९ प्रतिशत मत बदर भएको छ ।
प्रतिनिधिसभा सदस्य निर्वाचनको समानुपातिक निर्वाचन प्रणालीतर्फ खसेको मत ४ लाख ३४ हजार ५ सय ६४ मध्ये २३ हजार ७ सय ४३ अर्थात ५.४६ प्रतिशत मत बदर भएको छ भने प्रदेशसभा सदस्य निर्वाचनको समानुपातिक निर्वाचन प्रणालीतर्फ कुल खसेको मत ४ लाख ३० हजार ८ सय ५७ मध्ये ३३ हजार १ सय ४९ अर्थात ७.६९ प्रतिशत मत बदर भएको जिल्ला निर्वाचन आयोगले जारी गरेको विज्ञप्तिमा उल्लेख गरिएको छ ।
