क्रिकेटलाई कीर्तिमानको खेल त्यसै भनिएको होइन । जहाँ हरेक बल र हरेक विकेटमा कीर्तिमान बनिरहेको छ । क्रिकेटमा कीर्तिमानहरु धेरै बन्छन्, तोडिन्छन् ।
बिज्ञापन
क्रिकेटमा एक ओभरमा कूल ६ बल हुन्छ । ६ वटै बलमा छक्का हाने पनि जम्मा ३६ रन हुन्छ । तर के एकै ओभरमा ३६ रन मात्र बन्छ त ? तपाईँलाई विश्वास नलाग्न सक्छ । एकै ओभरमा ७ छक्का प्रहार गर्दै भारतीय क्रिकेटर रुतुगाज गायकवाडले नयाँ कीर्तिमान बनाएका छन् ।
विजय हजारे ट्रफीअन्तर्गत रुतुराजले महाराष्ट्रबाट खेल्दै उत्तर प्रदेशविरुद्ध एकै ओभरमा ७ छक्का प्रहार गर्दै कीर्तिमान बनाएका हुन् । विश्व क्रिकेट इतिहासमा ५० ओभरको खेलमा एकै ओभरमा ७ छक्कासहित ४३ रनको दुर्लभ कीर्तिमान बन्दा रुतुराज नायक बने ।
बिज्ञापन
रुतुराजले ७ छक्का प्रहार गर्दै आफ्नो दोहोरो शतक समेत बनाए । उनले १५९ बल खेल्दै १० चौका र १६ छक्का मद्दतमा अविजित २२० रन बनाए ।
ओपनिङ गर्दै अन्तिमसम्म ब्याटिङ गरेमा रुतुराजले ‘ब्याट क्यारी’ गरे ।
