काठमाडौं । आईसीसी यू–१९ महिला टी–२० विश्वकप एसिया छनोटअन्तर्गत यूएईविरुद्धको खेलमा नेपाल ८ रनमै अलआउट भएको हो। मलेसियाको युकेएम यसडी क्रिकेट ओभल बांगीमा टस जितेर पहिला ब्याटिङ रोजेको नेपाल ८ ओभर १ बलमा ८ रनमा अल आउट भएको हो।
नेपालकी स्नेहा महराले सर्वाधिक ३ रन बनाइन्। ओपनर मनिषा रानाले २, किरण कुमारी कुँवर, अनु कडायत र अश्मा पुलामी मगर १/१ रनमा आउट भए। नेपालका ६ खेलाडीले खाता खोल्न सकेनन्।
बलिङतर्फ यूएईका लागि माहिका गौरलले पाँच विकेट लिइन । त्यस्तै इन्दुजा नजाकुमारले तीन विकेट र समिका धनकान्दाले एक विकेट लिइन् । ९ रनको लक्ष्य लिएर मैदान आएको यूएईले सजिलै उक्त रन पूरा गरि १० विकेटले जित हासिल गरेको हो ।
नेपालले पहिलो खेलमा कतारलाई ७९ रनले हराएको थियो । ६ टोली सहभागी छनोटमा शीर्ष स्थानमा रहने टोलीले आगमी वर्ष दक्षिण अफ्रिकामा पहिलो पटक हुने यू-१९ टि२० महिला विश्वकप खेल्न पाउनेछ । नेपालले तेस्रो खेलमा सोमबार भुटानसँग खेल्नेछ ।
