मन्त्री आलेले सलमान खानलाई सगरमाथामा ब्रेकफास्ट गराउने

बिज्ञापन

काठमाडौं । संस्कृति, पर्यटन तथा नागरिक उड्डयन मन्त्री प्रेम आले र बलिउड अभिनेता सलमान खानबीच भर्चुअल सम्वाद भएको छ। जेठ १४ गते आयोजना हुने ‘दबंग टूर’का लागि मन्त्री आले र अभिनेता खानबीच सम्वाद भएको हो।

बिज्ञापन

सम्वादमा मन्त्री आलेले अभिनेता खानलाई माउन्टेन फ्लाइटमार्फत् हवाइ सयर गराउने प्रस्ताव गरेका थिए। ‘तपाइँको समय मिल्छ भने म माउन्टेन फ्लाइटमार्फत् सगरमाथाको सयर गराउन चाहन्छु। सगरमाथा ब्रेकफास्टका लागि लोकप्रिय पनि छ,’ उनले सम्वादका क्रममा भने।

मन्त्री आलेको प्रस्तावमा सलमान खानले सहमति जनाएका थिए। मन्त्री आलेले कोभिडपछि नेपाल पूर्णरुपले खुला भइसकेको र पर्यटनको प्रचुर सम्भावना रहेको भन्दै अभिनेता खानलाई सर्वोच्च शिखर सगरमाथा चढ्नका लागि प्रस्तावसमेत गरेका थिए।

बिज्ञापन

मन्त्री आलेले नेपाली जनता र आफू पनि अभिनेता खानको ठूलो फ्यान भएको बताए। उनले सलमान खानलाई मैने प्यार किया, तेरे नामजस्ता फिल्म हेरेको स्मरणसमेत गराएका थिए। ‘मैले तपाइँ अभिनित मैने प्यार किया हेरेको छु। त्यतिबेला म मुम्बईमै थिएँ। तेरे नाम पनि धेरै राम्रो फिल्म थियो,’ उनले भने।

जवाफमा सलमानले धन्यवाद दिएका थिए। उनले आफू पनि नेपालमा पहिलोपटक फिल्म बुलन्दको सुटिङका क्रममा आएको स्मरण गराएका थिए। तर फिल्म रिलिज्ड हुन नसकेको उनले बताएका थिए। दबंग टूर पनि विभिन्न कारणले स्थगित हुन पुग्दा आफू दुखित भएको सलमानले बताए। ‘दबंग टूर’मार्फत् नेपाल आउन चाहे पनि विभिन्न कारणले स्थगित हुन पुगेको थियो। आशा गरौं, यसपटक नेपालीलाई मनोरञ्जन प्रदान गर्न सकूँ,’ उनले भने।

संवादका क्रममा मन्त्री आलेले नेपालमा सबैजनाले खोप लिइसकेकाले ढुक्क हुन सलमानलाई आग्रह गरेका थिए। उनले बरु भारतमा के छ भन्दै सलमानसँग बुझ्ने प्रयास गरेका थिए। ‘भारतमा पनि खोप लिने क्रम जारी छ। धेरैले त लिइसकेका छन्। तर कोभिडका कारण धेरेको विचल्ली भएको छ। धेरैले परिवार गुमाएका छन्,’ जवाफमा सलमानले भनेका थिए।

मन्त्री आलेले नेपालमा आएर फिल्मको सुटिङ गर्नसमेत सलमानलाई आग्रह गरेका थिए। ‘म चाहन्छु तपाइँका फिल्म र शोहरु नेपालमा पनि सुटिङ गरियोस्,’ मन्त्री आलेले भने। जवाफमा सलमानले भनेका थिए, ‘अवश्य पनि आउनेछु। फिल्मको माग र कथावस्तु अनुकूल मिलाएर पक्कै पनि नेपाल आउनेछु।‘

सलमानले आफ्नो आउँदै गरेको फिल्म टाइगर ३ बारे जानकारी थिए। मन्त्री आलेले टाइगर ३ आफू पनि हेर्ने र सबै नेपालीले पनि हेर्ने आवश्वास दिएका थिए।

सम्बन्धित खवर

रुपन्देहीको देवदहमा संचालित मेलमिलाप सम्बन्धी आधारभूत तालिम सम्पन्न

उनी संग फेरी भेटै भएन…

पाल्पामा बोक्सी झार्न भन्दै महिलामाथि निर्मम कुटपिट

आईपीएल फाइनल आज: उपाधिका लागि कोलकाता र हैदराबाद भिड्दै

पोलियोविरुद्धको ‘आइपिभी’ खोप अभियान देशभर सुरु

देवदहमा महिला प्रजनन् स्वास्थ्य सम्बन्धी प्रशिक्षण तथा अन्तरक्रिया कार्यक्रम सम्पन्न

कृकेटर सन्दीप लामिछानेको अमेरिका यात्रा आउने सातासम्म निश्चित हुने

सडक निर्माणमा अलपत्र पारेकाे भन्दै मेयर बालेनले खन्याए सडक विभाग अगाडी एक ट्रक धूलो