भक्तपुर क्षेत्र नं. १ बाट नेपाल मजदुर किसान पार्टीका नेता प्रेम सुवाल विजयी भएका छन। नेकपा एमालेका नवराज गेलाललाई ३० हजार ७ सय ९३ मतले पछि पार्दै सुवाल तेश्रो पटक प्रतिनीधि सभा सदस्य पदमा वियी भएका हुन।
नेमकिपाका प्रेम सुवालले ४२ हजार ७ सय ६१ मत प्राप्त गरी विजयी हुँदा एमालेका गेलालले ११ हजार ९ सय ६८ मत प्राप्त गरेका थिए। सुवाल यस अघि समानुपातिकबाट २०७० सालमा र २०७४ मा प्रत्यक्ष प्रतिस्पर्धाबाट निर्वाचित भई प्रतिनीधि सभामा प्रबेश गरेका थिए। यस जितसंगै सुवाल तेश्रो पटक प्रतिनीधि सभामा प्रबेश गर्ने मौका पाएका हुन। यस्तै राष्ट्रिय प्रजातन्त्र पार्टीका भरत बहादुर खडकाले ९ हजार ९ सय ३ प्राप्त गरेका छन भने माओवादी केन्द्रका सुनिल गोठेले ५ हजार २ सय ८३ मत प्राप्त गरेका छन।
सुवालले प्राप्त गरेको मतसंग एमालेका नवराज गेलाल, राप्रपाका भरत बहादुर खडका र माओवादी केन्द्रका उमेद्वार सुनिल गोठेले प्राप्त गरेको मत जोड्दा समेत १५ हजार ६ सय ७ अझै पुग्दैन। सुवाल नेमकिपाका केन्द्रिय सचिव हुन ।
