बुटवल । बुटवल बहुमुखी क्याम्पसका आई.सि.टी. अध्ययनरत विद्यार्थीहरूको गैर नाफामूलक गैरराजनीतिक संस्था आईसिटी एशोसियसनको दोस्रो अधिवेशनबाट विशाल पौडेल निर्विरोध निर्वाचित भएका छन् ।
क्याम्पसमा बिएड आइसिटी अध्ययन गर्ने विद्यार्थीहरुको साझा संस्थाको रुपमा रुपमा विद्यार्थी र क्याम्पसको हितमा काम गर्ने उद्देश्यले स्थापना भएको आई.सि.टि एशोसिएसनको आज दोस्रो अधिवेशन सम्पन्न भएको हो ।
अधिवेशनबाट उपाध्यक्षमा अनिता पौडेल र सरोज पंगेनी, सचिवमा सुरज भट्टराई, सहसचिबमा अनिश पोखरेल र कोषाध्यक्षमा रोशन चापागाईं निर्विरोध चयन भएका छन । त्यस्तै एशोसिएसनको सदस्यमा बद्री पोखरेल, नवीन दर्लामी, मनिषा गिरी चयन भएका छन् ।
कार्यक्रमलाई सम्बोधन गर्दै बुटवल बहुमुखी क्याम्पसका प्रमुख डा.खिमानन्द न्यौपानेले विद्यार्थीहरु अनुशासित, लगनशील र धैर्यवान हुनु पर्ने बताउनुभयो । कार्यक्रमका प्रमुख अतिथि समेत रहनुभएका डा.न्यौपानेले अनुशासित, लगनशिल विद्यार्थी मात्रपछि गएर सफल हुने उहाले बताउभयो । साथै आई.सि.टी. विषय आफैमा प्राविधिक विषय भए पनि यस्को प्रचार प्रसार नभएको हुदा कम विद्यार्थी भर्ना भएको र यसलाई धेरै भन्दा धेरै विद्यार्थी माझ पुर्याउन अपिल गर्दै त्यसको लागि एशोसिएसनलाई आफ्नो र क्याम्पसको तर्फबाट गर्न सक्ने सहयोग गर्ने प्रतिवद्द्ता व्यक्त गर्नुभएको थियो ।
कार्यक्रममा बोल्दै शिक्षकको तर्फबाट देव राना र पर्शुराम उपाध्याय बोल्नुभएको थियो भने विद्यार्थीको तर्फबाट प्रकाश चौधरी, पाल बहादुर सोमाई, रोशन चापागाईं र नवीन दर्लामीले आइ.सि.टि. कोर्स बिश्वब्यापी रूपमा चाहिने र यसको भविष्य राम्रो रहेको उल्लेख गर्नुभएको थियो ।
कार्यक्रम अभिषेक पौडेलको अध्यक्षता, सुरज भट्टराईको स्वागत तथा अनिश पोखरेल र ललिता घिमिरेको सञ्चालनमा बुटवल बहुमुखी क्याम्पसमा सम्पन्न भएको थियो ।
