रुपन्देही। रुपन्देहीको देवदह नगरपालिका वडा नं ११ स्थित रेरहा मा बाढी बाट प्रभावित ६० घर परिवारलाई राहत सामाग्री वितरण गरिएको छ । राप्रपा देवदह नगर समितीले विपत व्यवस्थापन समिती अघिल्लो दिन अवलोकन गरि केही दिनलाई पुग्ने खाद्यान्न उपलब्ध गराएको हो । राप्रपा देवदह नगर समितिले बाढिबाट प्रभावीत रेरहा बस्तिका ६० घरपरिवारका लागि चामल, आटा , तेल, नुन, दाल, स्वायबिन लगाएतको खाद्यान्न बितरण गरेको हो । त्यस्तै देवदह ८ स्थित भाटाटोलका ३ र बंगालाका ३ बाढीले प्रभावित घर परिवारलाई राहत वितरण गरेको थियो ।
राहत वितरण कार्यक्रममा बोल्दै राप्रपा देवदह नगर समितिका अध्यक्ष माधव रिमालले अकस्मात आईपरेको यो बाढिले गर्दा प्रभावित परिवारलाई केही राहत महसुस होस् भनेर केही दिनको लागि गाँस टार्नलाई खाद्यान्न वितरण गरेको बताउनुभयो । उहाँले नगरपालिकालाई पनि उक्त ठाउको स्थिति बारे बताएको र छिटो भन्दा छिटो आवस्यक कदम चाल्न आग्रह गरेको बताउनुभयो ।
राहत वितरण कार्यक्रममा राप्रपा देवदह ११ का वडा अध्यक्ष दुदनाथ यादब, राप्रपा नेता ज्ञानु तिवारी, कमल प्रसाद गौतम ,विनोद विक लगाएतको उपस्थिति रहेको थियो ।
