देवदह । शिक्षा नितीमा व्यापक परिवर्तन गरि प्रविधीयूक्त शिक्षा बनाउनु पर्ने लुम्बिनि प्रदेश सभा सदस्य अब्दुल रज्जाकले बताउनु भएको छ । सिता माध्यामिक विद्यालय देवदहले आयोजना गरेको सरस्वती पुजा अक्षरआरम्भ तथा बस समुद्घाटन कार्यक्रममा वहाँले उक्त कुरा बताउनु भएको हो ।
संविधान सभा सदस्य समेत रहनु भएका रज्जाकले शिक्षकहरूलाई तालिमको ब्यवस्था गरि नयाँ तरिकाले बिद्यार्थी लाई अध्यापन गराउनुपर्नेमा जोड दिनु भयो । सोेही कार्यक्रमलाई सम्बोधन गर्दै देवदह नगर प्रमुख धु्रव प्रसाद खरेलले संस्थागत विद्यालय र सामुदायिक विद्यालयमा गुणस्तरको खाडल भर्नको लागि सामुदाियक विद्यालयका शिक्षकहरुले मेहनत गर्नु पर्ने भन्दै अनावश्यकरुपमा रहेको विद्यालयहरुलाई समायोजन गरिने नगरपालिकाको योजना रहेको बताउनु भयो । वहाँले शिक्षकहरुले नयाँ प्रविधीको प्रयोग गर्न विद्यार्थीलाई अभिप्रेरित गर्नु पर्ने भनाई राख्नु भयो ।
कार्यक्रममा देवदह नगरपालिकाका प्रमुख प्रशासकिय अधिकृत कृष्ण प्रसाद सापकोटाले विद्यालय प्रगतिपथमा लम्कीरहेको हुँदा समुदायमा रहेका अगुवाहरुले साथ दिनुपर्ने भनाई राख्नु भयो । विद्यालय ब्यवस्थापन समितिका अध्यक्ष यक बहादुर सुनारको अध्यक्षता विद्यालयका प्रधानाध्यापक उमाकान्त अधिकारीको स्वागत तथा सहायक प्रधानाध्यापक पुरूषोत्तम ज्ञावालीको संचालनमा कार्यक्रम सम्पन्न भएको थियो ।
