सैनामैना । प्याव्सन सैनामैनाको अध्यक्षमा श्री बुद्ध इङलिस स्कुलका प्राचार्य धर्मराज घिमिरे सर्वसम्मत रुपमा चयन हुनुभएको छ । प्यावसन सैनामैनाको आज सम्पन्न तेस्रो साधारणसभा तथा दोस्रो अधिवेशनले नया नेतृत्व चयन गरेको हो । जसको सचिवमा टोपलाल भट्टराई, कोषाध्यक्षमा सागर केसी तथा सदस्यहरुमा शुसिला शर्मा र मेघराज अर्याल निर्विरोध चयन हुनुभएको हो ।
तेस्रो साधारणसभा तथा दोस्रो अघिवेशन कार्यक्रमको पहिलो सत्रमा बोल्दै कार्यक्रमका प्रमुख अतिथि प्याब्सन रुपन्देहीका अध्यक्ष लेखनाथ पौडेलले सरकारले सामुदायिक र संस्थागत बिद्यालयको बिचमा असमान नितिहरु अबलम्बन गरेको भन्दै आलोचना गर्नुभयो । तेस्तै उहाँले कोभिड–१९ नियन्त्रणका लागि गरिएको लकडाउनका कारण चपेटामा परेका विद्यालयहरुलाइ सहजताका साथ सरकार र सङ्गठनको निर्देशन अनुसार अगाडी बढ्न सुझाव दिनुभएको थियो ।
कार्यक्रममा प्याब्सन लुम्बिनी प्रदेश सदस्य कृष्ण प्रसाद शर्मा, प्याब्सन रुपन्देहीका बरिष्ठ उपाध्यक्ष अनन्तराम शर्मा, प्याब्सन रुपन्देही उपाध्यक्ष एकनारायण काफ्ले, रुपन्देही सचिव लक्ष्मण ज्ञवाली र सैनामैना अभिभावक सघका अध्यक्ष बिष्णु पाण्डेले लगायतले शुभकामना मन्तब्य राख्नुभएको थियो ।
कार्यक्रम प्याब्सन सैनामैनाका अध्यक्ष भिजराज पौडेलको अध्यक्षता, प्याब्सन रुपन्देही जिल्ला अध्यक्ष लेखनाथ पौडेलको प्रमुख आतिथ्यतामा भएको हो । कार्यक्रम प्याब्सन सैनामैनाका कोषाध्यक्ष टोपलाल भट्टराईको स्वागत तथा सचिव धर्मराज घिमिरेको सञ्चालनमा सम्पन्न भएको हो ।
