पाल्पा। पाल्पा जिल्ला समन्वय समिति गठनका लागि नेकपा एमालेको स्पष्ट बहुमत आएको छ । स्थानीय तह प्रमुख र उपप्रमुखले मतदान गर्ने जिल्ला समन्वय समितिका लागि पाल्पामा १० प्रमुख र १० उपप्रमुख छन् । १० स्थानीय तहहरुकाे नतिजा सार्वजनिक हुँदा जिल्ला समन्वय समिति निर्माणकाे लागि नेकपा एमालेकाे स्पस्ट बहुमत देखिएको हो । एमालेले १० स्थानीय तहमध्ये पाँच पालिकामा प्रमुख र उपप्रमुख हात पारेकाे छ भने थप एक पालिकामा प्रमुख जितेकाे छ ।
एमालेले निस्दी गाउँ पालिका,पुर्वखोला गाउपालिका,माथागडि गाउपालिका,रम्भा गाउपालिका र बगनासकाली गाउपालिका मा प्रमुख र उपप्रमुख जितेको छ भने तिनाउ गाउँ पालिका मा प्रमुख मात्रै जितेको छ ।
जिल्ला समन्वय समितिका लागि स्थानीय तहका प्रमुख, उपप्रमुख, वडाध्यक्ष, सदस्यले उम्मेदवारी दिन पाउछन् । मत भने स्थानीय तह प्रमुख र उपप्रमुखले मात्रै दिन पाउने व्यवस्था छ ।
