नेपाल आज थाइल्यान्डसँग प्रतिस्पर्धा गर्दै

बिज्ञापन

काठमाडौँ । एएफसी एसियन कप छनोटको तयारीमा रहेको नेपाली राष्ट्रिय फुटबल टोलीले आज बिहीबार साँझ थाइल्यान्डसँग भिड्दैछ । दुई टोलीबीचको मैत्रीपूर्ण खेल साँझ ५ः४५ बजे थाइल्यान्डको चोनबुरीमा हुनेछ ।

बिज्ञापन

नेपालका प्रशिक्षक अब्दुल्लाह अल्मुताइरीले यस खेललाई नेपाली टोलीको कमजोरी पत्ता लगाउने खेलको रुपमा लिनुभएको छ । प्रशिक्षक अल्मुताइरीले एसिया कप छनोटका लागि यस खेल उपयोगी हुने विश्वास पनि लिनुभएको छ । प्रशिक्षकले थाइल्यान्डविरुद्ध अनुभवी र युवा खेलाडी सम्मिलित टोली उतार्ने तयारी गर्नुभएको छ ।

थाइल्यान्ड नेपालका लागि तुलनात्मक बलियो प्रतिद्वन्द्वी हो । फिफा वरीयतामा पनि थाइल्यान्ड माथि छ । वरीयतामा थाइल्यान्ड ११२ औँ र नेपाल १६७ औँ स्थानमा छ । नेपालले थाइल्यान्डसँग तीन दशकपछि फुटबल खेल्न लागेको हो । यसअघि नेपालले सन् १९८७ मा ओलम्पिक छनोट खेलेको थियो । त्यतिवेला नेपाल दुवै खेलमा ३–० र २–१ गोलले पराजित भएको थियो ।

बिज्ञापन

सोमबार थाइल्यान्ड गएको नेपाली टोलीले त्यहाँ दुई दिन प्रशिक्षण गरेको थियो । नेपालले चैत १३ गते थाइल्यान्डको शीर्ष क्लब चोनबुरी एफसीसँग पनि मैत्रीपूर्ण खेल खेल्नेछ । एएफसी एसियन कप छनोट अन्तर्गत तेस्रो चरणको तयारीमा रहेको नेपाल अहिले अभ्यासमा ब्यस्त छ । त्यसैको तयारीका लागि नेपालले थाइल्यान्डसँग मैत्रीपूर्ण खेल खेल्न लागेको हो ।

नेपाली टोलीमा कप्तान किरण चेम्जोङ, टिकेन्द्र थापा, दीप कार्की, आशिष लामा, आयुष घलान, रोहित चन्द, अनन्त तामाङ, अन्जन विष्ट, एरिक विष्ट, प्रशान्त अवस्थी, नवीन गुरुङ, दर्शन गुरुङ, नितिन थापा, दीनेश राजवंशी, गौतम श्रेष्ठ, पुजन उपरकोटी, सन्तोष तामाङ, आकाश बुढामगर, सुमन अर्याल, सुमन लामा, सुदीप गुरुङ, सुरज ज्यू ठकुरी, तेज तामाङ र सुवास गुरुङ ।

 

सम्बन्धित खवर

लायन्स क्लब अफ देवदह प्रोफेशनल युथको अध्यक्षमा बिजय अमगाई

एमाले प्रतिनिधि परिषद् बैठकमा प्रविधिको उच्च प्रयोग, सबै दस्तावेज एपबाट हेर्न सकिने

सिन्धुपाल्चोकमा जन्ती बोकेको बस दुर्घटना, ३ को मृत्यु, दुलहासहित ५२ जना घाइते

आज र भोलि बालबालिकालाई भिटामिन ‘ए’ र जुकाको औषधि खुवाइँदै

एसीसी प्रिमियर कपको सेमिफाइनलमा आज नेपालले युएईसँग खेल्दै

ऐतिहासिक जितगढीः बुटवलको गौरव

एसीसी प्रिमियर कप क्रिकेटको सेमिफाइनलका खेल आज : नेपाल यूएईसँग खेल्दै

आईपीएल क्रिकेटमा मुम्बईले पञ्जाबलाई ९ रनले हरायो