नेपालले बंगलादेशसँग निर्णायक खेल खेल्दै

काठमाडौं । बंगलादेशको ढाका भइरहेको साफ यू-१५ महिला च्याम्पियनसिपमा आज (बिहीबार) नेपालले घरेलु टोली बंगलादेशसँग अन्तिम खेल खेल्दैछ ।

बिज्ञापन

बीएसएसएसएमके स्टेडियममा हुने उक्त खेल खेल्न मैदान उत्रँदा नेपालको राष्ट्रिय यू-१५ महिला टिमसामु ऐतिहासिक उपाधि जित्ने अवसर छ ।

नेपालको सिनियर महिला टोलीले समेत अहिलेसम्म अन्तर्राष्ट्रिय उपाधि जित्न सकेको छैन । जुनियर टिमहरु पनि बारम्बार चुक्दै आएका छन् ।

बिज्ञापन

नेपालले बंगलादेशसँग खेल्दा उपाधि जित्ने लक्ष्य राखेको छ । समिकरण पनि स्पष्ट छ । बंगलादेशलाई हराएर वा बराबरी गरे मात्र पनि नेपालले उपाधि जित्नेछ । बंगलादेशले जित निकालेमा भने नेपाल उपविजेता हुनेछ ।

नेपाल, बंगलादेश र भुटान गरी तीन टिम मात्र सम्मिलित यो प्रतियोगिता डबल राउण्ड रोविन लिगको आधारमा खेलाइएको छ । भुटान आफ्नो चारवटै खेलमा पराजित हुँदै अंकविहीन भएर घर फर्किसकेको छ ।

नेपालले खेलेको तीनवटै खेल जित्दै ९ अंक जोडेर शीर्ष स्थानमा छ । नेपालले भुटानलाई ७-०, बंगलादेशलाई १-० र भुटानलाई १-० ले पराजित गरेको थियो । उता बंगलादेशको दुई जित र एक हारबाट ६ अंक छ । भुटानलाई ८-० र ९-० ले पराजित गरेको बंगलादेश नेपालसँग भने पराजित भएको थियो । नेपालको गोल अन्तर ९ छ भने बंगलादेशको गोल अन्तर १६ छ ।

त्यसैले नेपालले बंगलादेशसँग हार जसरी भए पनि टार्नुपर्छ । च्याम्पियनसिपमा यअसघि खेलेको खेलमा नेपालले वर्षा ओलीको एक मात्र गोलमा बंगलादेशलाई पराजित गरेको थियो । प्रतियोगितामा बंगलादेशका सौरभवी अकान्डा प्रितीले दुई ह्याट्रिकसहित सर्वाधिक ९ गोल गरिसकेकी छन् ।

नेपालकी वर्षा ओलीले एक ह्याट्रिकसहित ५ गोल गरेर दोस्रो स्थानमा छिन् । सुक्रिया मिया र सेनु परियारले समान दुई गोल गरेका छन् ।

साफ यू-१५ महिला च्याम्पियनसिपमा नेपाल पहिलो पटक उपाधि नजिक छ ।

यसअघि २०१९ मा बंगलादेशमै भएको तेस्रो संस्करणमा नेपाल तेस्रो भएको थियो र त्यो नै नेपालको अहिलेसम्मको उत्कृष्ट नतिजा हो । अहिलेसम्म भएका तीन संस्करणमध्ये बंगलादेशले दुई र भारतले एक पटक उपाधि जितेको छ ।

Leave a Reply

Your email address will not be published. Required fields are marked *

सम्बन्धित खवर

देवदहमा बौद्ध दर्शन सम्बन्धि प्रवचन

देवदहमा जारी तेश्रो अन्तर वडास्तरीय मेयर कप फुटवल प्रतियोगिता: क्वाटर फाईनलका खेलहरु सम्पन्न

देवदहमा जारी वडास्तरीय फुटवल प्रतियोगितामा वडा नं ३ र १२ सेमीफाईनल प्रवेश

वाफ वुमन्स च्याम्पियनसिपमा आज प्यालेस्टाइनसँग खेल्दै नेपाल

समाजिक सञ्जालले लोकतन्त्रमा खतरा ल्यायो भन्ने कुरामा सहमत हुन सकिदैन; -एमाले उपाध्यक्ष पौडेल

जाजरकाेटका भूकम्प पीडितलाई क्यानकाे २० लाख रुपैयाँ सहयाेग

देवदहमा जारी वडास्तरीय फुटवल प्रतियोगितामा वडा नं ५ र ७ विजयी

देवदह नगरपालिकाद्वारा एकीकृत घुम्ती सेवा सुरु