नेता विसीको सक्रियतामा सुयाडा प्रहरी चौकी स्थापना

जाजरकोट । दैलेख र जाजरकोटको सिमाना सुयाडामा अस्थायी प्रहरी चौकी स्थापना भएको छ । जाजरकोटको छेडागाड नगरपालिका २ मा पर्ने सुयाडामा माग गरेको लामो समय पछि प्रहरी चौकी स्थापना भएको हो ।
नेकपा (एकीकृत समाजवादी) जाजरकोटका अध्यक्ष एवम् केन्द्रिय सदस्य कृष्ण बहादुर विसीको लगातारको सक्रियता पछि प्रहरी चौकी स्थापना भएको हो । अस्थायी प्रहरी चौकी नेता विसी सहित छेडागाड नगरपालिकाका मेयर लाल बहादुर महतारा, प्रमुख जिल्ला अधिकारी प्रेम प्रसाद देवकोटा, प्रहरी प्रमुख (डिएसपी) मधुकुमार थापा, वडाध्यक्षहरु बालकृष्ण बुुढा र गणेश प्रसाद जैंसी लगाएतको उस्थितिमा उद्घाटन गरिएको हो ।
दुई जिल्लाको सिमाना, पर्यटकीय स्थल तथा मध्यपहाडी लोकमार्गका कारण आवत जावत बढ्न थालेपछि नै प्रहरी चौकी माग गरिएको र लामो प्रयास पछि अहिले सो माग पुरा भएको नेता विसीले जानकारी दिए । सो ठाउँमा भएको बस्ती विकास र मध्यपहाडी लोकमार्ग हुँदै आवत जावत बढेपछि सबै तहबाट आवश्यक प्रक्रिया पुरा गरी प्रहरी चौकी माग गरेका हौं, नेता विसीले भने “अहिले पूर्वमन्त्री तथा प्रतिनिधि सभा सदस्य शक्ति बहादुर बस्नेत, राष्ट्रिय सभा सदस्य माया प्रसाद शर्मा लगाएतका नेताहरुको समन्वयमा माग पुरा भएको छ ।” प्रहरी चौकी स्थापना भएपछि सो क्षेत्रको शान्ती सुरक्षामा टेवा पुग्ने नेता विसीको भनाई छ ।
सुयाडा क्षेत्रका स्थानीय वासिन्दा समेत रहेका नेता विसीले प्रहरी चौकी स्थापनाका लागि वडाध्यक्षहरु बुढा र जैसीले पनि निकै पहल गरेको बताए । सो ठाउँमा प्रहरी चौकीको माग गरी सोही बमोजिमको निर्णय भएको भएपनि दरबन्दी लगाएतको कानूनी अड्चनका कारण हाललाई अस्थायी प्रहरी पोष्ट स्थापना भएको र सो प्रक्रिया मिलाउदा निर्णय भएको ९ महिना पछि मात्र स्थापना गर्न सकिएको उनको भनाई छ ।
आफुहरुले सुयाडा सहित जिल्लाका अन्य आवश्यक ठाउँमा समेत प्रहरी चौकी स्थापनाका लागि माग गरेको भन्दै भेरी नगरपालिकाको भुर पोखरा र बारेकोटको दह बजारमा समेत प्रहरी चौकी स्थापनाको प्रक्रियामा रहेको जानकारी दिए । पूर्व जिल्ला विकास समितिकाे उपसभापति समेत रहेका नेता विसी जाजरकाेटका अत्यन्त लाेकप्रिय नेता हुन ।

बिज्ञापन

Leave a Reply

Your email address will not be published. Required fields are marked *

सम्बन्धित खवर

देवदहमा बौद्ध दर्शन सम्बन्धि प्रवचन

देवदहमा जारी तेश्रो अन्तर वडास्तरीय मेयर कप फुटवल प्रतियोगिता: क्वाटर फाईनलका खेलहरु सम्पन्न

देवदहमा जारी वडास्तरीय फुटवल प्रतियोगितामा वडा नं ३ र १२ सेमीफाईनल प्रवेश

वाफ वुमन्स च्याम्पियनसिपमा आज प्यालेस्टाइनसँग खेल्दै नेपाल

समाजिक सञ्जालले लोकतन्त्रमा खतरा ल्यायो भन्ने कुरामा सहमत हुन सकिदैन; -एमाले उपाध्यक्ष पौडेल

जाजरकाेटका भूकम्प पीडितलाई क्यानकाे २० लाख रुपैयाँ सहयाेग

देवदहमा जारी वडास्तरीय फुटवल प्रतियोगितामा वडा नं ५ र ७ विजयी

देवदह नगरपालिकाद्वारा एकीकृत घुम्ती सेवा सुरु