सिद्धार्थनगर । नेकपा एमालेका उपाध्यक्ष विष्णु पौडेलले अहिलेको पाँच दलीय सत्ता गठबन्धन निर्वाचन सुन्नासाथ तर्सिने गरेको बताउनुभएको छ । एमाले सिद्धार्थनगर नगर कमिटीले आज आयोजना गरेको प्रशिक्षण कार्यक्रममा बोल्दै उपाध्यक्ष पौडेलले गठबन्धन निर्वाचन कुनै पनि हालतमा सार्ने र टार्ने मनिस्तिथिमा रहेको खुलासा पनि गर्नुभयो ।
‘नेकपा एमाले सशक्त दबाब र खबरदारी गरेकोले संविधान र कानुनको व्यवस्था अनुरुप निर्धारित मितिमै निर्वाचन हुन लागेको हो । त्यो मितिमा निर्वाचन भएन भने जनस्तरबाट ठूलो दबाब सृजना गर्छौ भनी खबरदारी गरेपछि मात्रै सरकारले निर्वाचन रोक्न सकेन । निर्वाचनको माहोलमा पुगेको छ, नेकपा एमालेको दबाब, अग्रसरता पहलकदमीले निर्वाचनको मिति तय भएर मुलुक निर्वाचनमय भएको छ,’ पौडेलले भन्नुभयो ।
उहाँले अहिले जनलहर एमालेको पक्षमा भएकोले गठबन्धनको सरकार आत्तिएको र चुनाव टार्ने षडयन्त्र जारी राखेको पनि बताउनु भयो ।
