देवदह । रुपन्देहीको देवदह–२ मा अवस्थित नमुना एभरग्रिन ई.बो. स्कुलमा शिक्षक अभिभावक अन्तरक्रिया तथा छलफल कार्यक्रम सम्पन्न भएको छ । शिक्षक, विद्यार्थी र अभिभावकको सम्बन्धले नै सिकाइमा सुधार ल्याउन सकिन्छ भन्ने हेतुले शिक्षक र अभिभावक बिच अन्तरक्रिया कार्यक्रम राखिएको कुरा विद्यालयका प्रिन्सिपल कमल पौडेलले जानकारी दिनुभयो ।
उहाँले विद्यार्थीहरुको चौतर्फी विकासका लागि उचित मार्गदर्शनको भूमिका अभिभावक र शिक्षकले खेल्नुपर्ने कुरा पनि बताउनुभयो ।
उक्त कार्यक्रममा शिक्षकहरुले विद्यार्थीहरूको मासिक शैक्षिक उपलब्धि विवरण अभिभावकहरुलाई जानकारी गराउनु भएको थियो भने अभिभावकहरुले विद्यार्थीहरूको घरमा हुने सिकाई गतिविधि तथा अन्य क्रियाकलापको जानकारी गराउनु भएको थियो ।
