देवदह । देवदह नगरपालिका वडा नं ५ ले वडास्तरको खेलकुद समिति गठन गरेको छ । देवदह नगरपालिका वडा नं ५ का वडा अध्यक्ष तथा नगर प्रवक्ता गणेश डुम्रेको अध्यक्षतामा बसेको वडा समिति बैठकले नयाँ खेलकुद समिति गठन गर्ने निर्णय गरेको हो।
नवगठित खेलकुद समिति नविन लुईटेलको अध्यक्षतामा ९ सदस्यीय समिति चयन भएको छ । जसको उपाध्यक्षमा कुलबिर घर्ती मगर, सचिवमा सलिना रेश्मी, कोषाध्यक्षमा पारस न्यौपाने, सह सचिवमा निश्वल अर्याल र सदस्यहरुमा विवेक खराल, बालकृष्ण सुनार, संगिता तामाङ, सलिना कार्की र सुवास चापागाईं सदस्य रहेका छन्।
सो अवसरमा बोल्दै वडा अध्यक्ष डुम्रेले खेल प्रेमी युवाहरूलाई हौसला प्रदान गर्ने र नयाँ खेलाडी उत्पादन गर्ने उद्देश्यले समिति गठन गरिएको बताउनुभयो । उहाले अघिल्लो समयमा खेलकुद समितिको अभावका कारण बजेट पारित गर्न उपभोक्ता समिति निर्माण गर्नु पर्ने स्थिति थियो, जसले बेरुजु देखिने समस्या निम्त्याउँथ्यो। अब यस समितिले वडामा आयोजना हुने सम्पूर्ण खेलकुद कार्यक्रम नगर खेलकुद समितिसँग समन्वय गर्दै विकास र प्रवर्द्धनमा सक्रिय भूमिका खेल्ने विश्वास लिएको बताउनुभयो ।
