देवदह २ ‘पूर्ण संस्थागत प्रसुती युक्त वडा’ घोषणा

बिज्ञापन

देवदह । रुपन्देहीको देवदह नगरपालिका वडा नं २ लाई पूर्ण संस्थागत प्रसुती युक्त वडा घोषणा गरिएको छ । देवदह नगरपालिका वडा नम्बर २ पूर्ण संस्थागत प्रसुती युक्त वडा घोषणा हुने देवदहको पहिलो वडा हो । सोमबार देवदह २ मा अवस्थित केरवानी स्वास्थ्य चौकीमा एक कार्यक्रमको आयोजना गरि पूर्ण संस्थागत प्रसुती युक्त वडा घोषणा गरिएको हो।

बिज्ञापन

देवदह नगरपालिकाका उपप्रमुख विद्या लक्ष्मी गुरुङले देवदह नगरपालिका जिरो होम डेलिभरी पालिका बनाउने अभियानमा लागेको र जस अन्तर्गत देवदह वडा नम्बर २ पूर्ण संस्थागत प्रसुती युक्त वडा घोषणा भएको भन्दै खुशी व्यक्त गर्नुभयो ।

कुनै पनि अभियान घोषणा मात्र गरेर सफल नहुने बताउदै उपप्रमुख गुरुङले निरन्तर रुपमा निगरानी गरि घोषणा भएको कार्यक्रमको अनुगमन गरिने बताउनुभयो । उपप्रमुखको संयोजकत्वमा बनेको नगर प्रजनन समिति र सम्बन्धित वडाको वडा अध्यक्षको संयोजकत्वमा बनेको वडा प्रजनन समितिले पूर्ण संस्थागत प्रसुती युक्त वडामा भएका गतिविधिको अनुगमन गरिने उपप्रमुख गुरुङको भनाई थियो ।

बिज्ञापन

सोहि अवसरमा केरवानी स्वास्थ्य चौकीमा स्थापना भएको सुरक्षित स्तनपान कक्षको उद्घाटन गरिएको थियो ।

देवदह नगरपालिकालाई स्वास्थ्य र शिक्षालाई प्राथमिकतामा राखेर काम गरेको बताउँदै नगर उपप्रमुख गुरुङले महिलाको प्रजनन स्वास्थ्य संबेदनसिलताको ख्याल गर्दै देवदह नगरपालिकालाई जिरो होम डेलिभरी पालिका बनाउने गरि लागेको र अभियानमा साथ दिन आग्रह गर्नुभयो ।

उक्त वडामा ‘पूर्ण संस्थागत प्रसुतियुक्त वडा’को सबै मापदण्ड पपुगेको र सुरक्षित रुपमा सुत्केरी भएको पाइएपछि ‘पूर्ण संस्थागत प्रसुतियुक्त वडा’ घोषणा गरिएको देवदह नगरपालिकाका स्वास्थ्य संयोजक काशिनाथ बञ्जाडेले जानकारी दिनुभयो । सोहि अवसरमा केरवानी स्वास्थ्य चौकीले संस्थामा कार्यरत सम्पुर्ण स्वास्थ्यकर्मी, कर्मचारी र महिला सामुदायिक स्वास्थ्य स्वयंसेविकाहरुलाइ सम्मान गरेको थियो। साथै स्वास्थ्य चौकीलाइ सम्मानजनक मातृ तथा नवजात शिशु स्वास्थ्य प्रवर्द्धन परियोजनाको माध्यमबाट आर्थिक तथा भौतिक सामाग्रीहरुको सहयोग तथा कर्मचारीहरुलाइ तालिमको व्यवस्था मिलाएर सेवा प्रवाह गुणस्तर बनाउन सहयोग गर्ने ग्रिन तारा नेपाललाई पनि केरवानी स्वास्थ्य चौकीले ससम्मान बिदाइ गरेको छ ।

देवदह नगरपालिका वडा नम्बर २ का वडा अध्यक्ष दल बहादुर राकस्कोटीको अध्यक्षता, केरवानी स्वास्थ्य चौकी प्रमुख काशीराम रेग्मीको स्वागत र देवदह नगरपालिका स्वास्थ्य शाखाका कर्मचारी माया पुनको संचालनमा कार्यक्रम सम्पन्न भएको थियो ।

सम्बन्धित खवर

एमाले गुल्मीको अध्यक्षमा बालसिंह काउछा निर्वाचित

मानव सेवा आश्रम सहयोगका लागि इद धमका

न्यू नमुनामा युवा रेडक्रस सर्कल र बाल क्लब गठन

विश्वभरि विस्थापितको सङ्ख्या बाह्र करोड : राष्ट्रसङ्घ

सत्ता र शक्तिको आडमा कसैले उन्मुक्ति पाउनु हुँदैन : नेता विश्वकर्मा

Los Casinos Online Más Destacados de Chile en 2024

Chayon malhami 2024: Kengaytingizda ushbu ichki kuchli hamshiraga ega bo’ling

देवदह बुद्ध पब्लिकमा रेडक्रस र बाल क्लबमा नयाँ नेतृत्व