देवदह । देवदह बुद्ध पब्लिक आवासीय माध्यमिक विद्यालयमा जुनियर रेडक्रस सर्कल र बाल क्लबको नयाँ नेतृत्व चयन भएको छ । गत शुक्रवार भएको नमुना चुनावबाट निर्वाचित भएका पदाधिकारीलाई एक कार्यक्रमबीच जिम्मेवारी प्रदान गरिएको विद्यालयले जनाएको छ ।
निर्वाचनको मतपरिणाम अनुसार जुनियर युवा रेडक्रस सर्कलमा प्राप्ति क्षेत्रीको अध्यक्षतामा समिति गठन भएको छ । जसको उपाध्यक्षमा अनुष्का भण्डारी, सचिवमा आयुष बि.क, सह–सचिवमा धिमन थापा, कोषाध्यक्षमा सालिन ठहराई र सह कोषाध्यक्षमा सुजल राना मगर सहित १९ सदस्यीय कमिटि गठन गरिएको छ ।
त्यसै गरि बाल क्लबमा आशिष अग्रहरीको अध्यक्षता समिति गठन भएको छ । जसको उपाध्यक्षमा निश्चल रेग्मी, सचिवमा स्पर्श भण्डारी, सह–सचिवमा सम्राट भण्डारी, कोषाध्यक्षमा आयुष पाण्डे र सहकोषाध्यक्षमा प्रसन्न ढुङ्गाना १८ सदस्यीय कमिटि गठन गरिएको विद्यालयले जनाएको छ ।
पदस्थापना कार्यक्रममा विद्यालयका प्रिन्सिपल कृष्णप्रसाद गैरे, मा.वि ईन्चार्ज वेद सूर्यवंशी, बाल क्लब शिक्षक इन्चार्ज वलराम ज्ञवाली, जुरेस शिक्षक नायक ढुण्डिराज मरासिनीको, अतिरिक्त क्रियाकलाप प्रमुख अनन्तराम भण्डारी लगायतको उपस्थिति रहेको थियो ।
