देवदह । रुपन्देहीको देवदहमा मानव अधिकार, बाल अधिकार र हिंसा सम्बन्धि चारदिने अभिमुखिकरण तालिम आज बाट सुरु भएको छ । उक्त तालिम सोइया महिला स्वावलम्बी संस्थाको आयोजना र गल्स फर्स्ट फण्ड नेपालको सहयोगमा तालिम सुरु भएको हो ।
तालिम देवदह ४, सिंगाहा स्थित सोइया महिला स्वावलम्बी संस्थाको सभाहलमा भएको थियो । शुक्रबार देवदह नगरपालिका वडा नं ४ का वडा अध्यक्ष दिपक चापागाईंले तालिमको उद्घाटन गर्नु गर्नु भएको हो । कार्यक्रममा बोल्दै उहाले आफ्नो सुरक्षा आफैले गर्न मनोवल उच्च राख्नु पर्ने बताउनुभएको थियो । उहाले सुरक्षाको अनुभूति स्वयम्वाट सिर्जना गर्नुपर्ने औल्याउनु भएको थियो । साथै उहाले बाल विवाह अन्त्य गर्न आफू र आफ्नो वडाबाट जस्तो सुकै सहयोग गर्न पनि तयार रहेको बताउनु भएको थियो ।
त्यस्तै प्रगती मा.बि का प्रधानाध्यापक हुम प्रसाद पाठकले संस्थाको बारेमा यसले गरेका कार्यहरुको चर्चा गर्दै अभिमुखिकरण तालिमको सफलताको शुभकामना व्यक्त गर्नु भएको थियो । उक्त तालिममा ३० जना प्रशिक्षार्थीको सहभागीता रहेको थियो । तालिमको सहजीकरण प्रशिक्षक नवराज थापा क्षेत्रीले गर्नु भएको थियो ।
कार्यक्रम संस्थाको अध्यक्ष मिरा भुजेलको अध्यक्षता र संस्थाको कर्मचारी एलिना हमालको संचालनमा भएको थियो ।
