रूपन्देहीकाे देवदह ६ स्थित साहरा आमा समूहले भदौ ६ गते तिजको दर खाने कार्यक्रममा सहभागी भएका अधिकांश बिरामी परेका छन । तिजको दर खाने खाने कार्यक्रममा ३५ जना सहभागी भएक थिए ।
दिनभर दर खाने कार्यक्रम सङ्गै तिज गितका भाखाहरुमा आमा समूहका महिलाहरू नाचगानमा गर्दै दर खाने कार्यक्रम सकेर घर गएका ३५ जना मध्य ३१ जना विरामि परेका हुन ।
विरामि भएका मध्य १७ जना देवदह ५ स्थित अनिता मेडिकल हलमा उपचाररत छन् ।
त्यस्तै ४ जना देवदह मेडिकल कलेज र ४ जनाको श्री कृष्ण पोलिक्लिनिकमा उपचार भैरहेको देवदह नगरपालिका ६ का वडा अध्यक्ष खेम बहादुर थापा मगरले जानकारी दिए।
६ गते साँझदेखि बिरामी परेका उनीहरूमा बान्ता हुने, टाउको दुख्ने, पखाला लाग्ने, पेट दुख्ने, रिङ्गटा लाग्ने लगायतका स्वास्थ्य समस्या देखिएको अध्यक्ष थापा मगरले जानकारी दिए।
बिरामी भएका मध्य ४ जना पुरुष र २७ जना महिला रहेका छन् । बिरामी भएका सबैलाई १०२ देखि १०४ सम्म ज्वरो आएको छ।
