बिज्ञापन
बुटवल । झरीपछिको बाढीपहिरोका कारण मृत्यु हुनेको संख्या १२९ पुगेको छ ।
बिज्ञापन
प्रहरी प्रधान कार्यालयका अनुसार अविरल वर्षाका कारण बाढी, पहिरो र डुबानमा परेर ८६ जना घाइते र ६२ जना अझै बेपत्ता छन् ।
पृथ्वी राजमार्गअन्तर्गत झ्याप्ले खोला पहिरोबाट पुरिएका सवारीसाधनबाट हालसम्म ३५ वटा शव निकालिएको छ ।
बिज्ञापन
पछिल्लो पटक बसबाट ५ वटा शव निकालिएको छ । शनिबार साँझ १४ वटा र आइतबार बिहान १६ वटा शव निकालिएको थियो ।
काभ्रेपलाञ्चोकको पनौती नगरपालिकामा १७ जना बेपत्ता भएकोमा अहिलेसम्म ५ जनाको शव फेला परेको र १२ जनाको खोजी कार्य भइरहेको छ ।
अविरल वर्षामा परेका ३ हजार २६६ जनाभन्दा बढीको उद्धार भइसकेको प्रहरीले जनाएको छ । प्रहरीका अनुसार अविरल वर्षाका कारण विभिन्न स्थानमा बाढी तथा पहिरोले गर्दा सडक अवरुद्ध रहेको र प्रहरी परिचालन गरेर बाटो खुलाउने प्रयास भइरहेको छ ।
हिजो र अस्तिको लगातारको झरीपछिको बाढीपहिरोले देशभरका ४८ वटा मुख्य राजमार्ग पूर्णरूपमा अवरुद्ध भएका छन् । प्रहरी प्रधान कार्यालयका अनुसार सबैभन्दा बढी बाममती प्रदेशका २५ वटा मुख्य राजमार्ग अवरुद्ध भएका छन् भने दोस्रोमा लुम्बिनी प्रदेशका ८ वटा, कोशी प्रदेश र गण्डकी प्रदेशका ६-६ मुख्य राजमार्ग अवरुद्ध भएका छन् । यस्तै काठमाडौं उपत्यकाका ५ वटा र कर्णाली प्रदेशको एउटा मुख्य राजमार्ग अवरुद्ध भएको छ ।
प्रहरीले लामो यात्रामा निस्कनुअघि नजिक वा सम्बन्धित जिल्ला प्रहरी कार्यालय तथा नेपाल प्रहरीको कन्ट्रोल नम्बर १०० र ट्राफिक प्रहरीको कन्ट्रोल नम्बर १०३ मा सम्पर्क गरेर मात्रै निस्कन अनुरोध गरेको छ ।
