डोलीमा सुत्केरी बोक्न बाध्य

बिज्ञापन

अर्घाखाँची । बुधबार दिउँसो दुई जना पुरुषले ‘हस्याङफस्याङ’ गर्दै डोलीमा सुत्केरीलाई बोकेको दृश्य सञ्चारकर्मीले देखे ।

बिज्ञापन

तीन दिनकी सुत्केरीलाई डोलीमा बोकेर ती पुरुषहरुले घरमा लैजादै थिए । यो अर्घाखाँचीको शितगंगा नगरपालिका वडा नं. १३ मा देखिएको कष्टपूर्ण दुःख हो ।

तराईको कपिलवस्तुसंग नजिकै रहेको शितगंगा-१३ माझिफाँटका स्थानीयले यस्तै दुःखका साथ जीवन बिताइरहेका छन् । यस्तो दुःख गर्ने बानि परेका यहाँका बासिन्दालाई बुधबारको काम कुनै नौलो थिएन ।

बिज्ञापन

तराईसंग सीमा जोडिएको स्थानमै नागरिकले पाएको यस्तो दुःखले देशको विकासलाई भने गिज्याइरहेको थियो । पटक पटक ताकेता गर्दा पनि माझिफाँटमा पुल बन्न सकेको छैन् । पुल नबन्दा यहाँका बासिन्दालाई मुसिबाङ खोला तगारो बनिरहेको छ । बर्खा लागे पछि यहाँका स्थानीयलाई मुसिबाङ खोला पीडा थप्ने माध्यम बनेको हो ।

माझिफाँट प्राकृतिक हिसाबले सुन्दर छ । प्रयाप्त खेतियोग्य जमीन रहेको यो बस्ति छाड्नेहरुको दर बढीरहेको छ । कपिलवस्तुको बाणगंगा नगरपालिकासंग नजिकै रहेको यो वस्तिको विकासमा सरोकारवालाको चासो भएको भए माझिफाँटको हविगत यो हुने थिएन ।

बसाईसराईको तीव्र चपेटामा रहेको सिंगो शितगंगा नगरपालिका बस्तिविहिन हुने खतरा देखिदै छ । यसको प्रमुख कारण विकास निर्माण नहुनु नै हो ।

आर्थिक रुपले केहीँ मजबुत भए पछि माझिफाँट छाड्ने बढी हाल्छन् । आर्थिक रुपमा कमजोर हुनेहरु मात्र बस्ने गाउँ बनेको छ माझिफाँट ।

हाल एक सयको हारहारीमा यहाँ घरपरिवार छन् । खोला तरेर हिड्नुपर्ने बाध्यता यहाँका विद्यार्थीलाई पनि छ ।

नजिकै आधारभूत विद्यालय भएपनि माध्यमिक तहको विद्यालय यहाँ छैन् । माध्यमिक तहको पढाईका लागि यहाँका विद्यार्थी कपिलवस्तु बाणगंगा नगरपालिका वडा नं. ९ भलवाड जिनुवामा रहेको विद्यालयमा पढ्न आउने गरेका छन्। दैनिक ६ किलोमिटर जंगलको बाटो भएर पढ्नुपर्ने बाध्यता यहाँका विद्यार्थीलाई रहेको स्थानीय गणेश वि.सी बताउँछन् ।

शितगंगा १३ का वडाध्यक्ष दुर्गा विसीले पुलका लागि वडाको बजेटले नभेट्ने बताउँछन् । नगर र प्रदेश सरकारमा पटक पटक पुल बनाउन पहल गरे पनि कुनै काम नभएको उनले बताए । पुलका लागि डिपिआर सम्पन्न भइसके पनि काम अगाडी बढ्न नसकेको उनको भनाई छ ।

सम्बन्धित खवर

डेल्टा कम्प्लेक्समा लागेको आगोले करोडौं नोक्सानी: १५ दमकलले लिएका थिए आगो नियन्त्रण

देवदहमा राष्ट्रिय परिचयपत्रको दर्ता शिविर सुरु

भैरहवाबाट जनकपुरतर्फ जादै गरेको बस सर्लाहीको बागमतीमा दुर्घटना हुदा तीन जनाको मृत्यु

भारतका हार्दिक पाण्ड्यालाइ पछि पार्दै नेपालका दीपेन्द्रसिँह ऐरी टी–२० अलराउन्डरकाे छैठौं स्थानमा

खुल्ला एस.ई.ई महिला भलिबल प्रतियोगिताको उपाधी सगरमाथालाई

सगरमाथामा खुल्ला एस.ई.ई महिला भलिबल प्रतियोगिता सुरु

नेपालका कप्तान रोहित पौडेललाई धकेल्ने बङ्गलादेशका बलरमाथि आईसीसीको कारबाही

कञ्चनको १६औँ अधिवेशन : समृद्धिका लागी जनमुखी कार्यक्रम ल्याइदै