काठमाडौं । घरेलु मैदानमा हुने टी २० विश्वकप क्वालिफायरका लागि नेपाली टीम घोषणा गरिएको छ ।
रोहित पौडेलको कप्तानीमा घोषित १५ सदस्यीय टीममा स्पिनर सन्दीप लामिछाने पनि रहेका छन् । यसअघि त्रिकोणात्मक टी २० सिरिजमा लामिछानेले आफ्नाे नाम फिर्ता लिदै प्रतियाेगितामा खेलेका थिएनन् । उनले परिवारलाई समय दिने भन्दै त्रिकोणात्मक टी २० सिरिजबाट आफ्नाे नाम हटाउन लगाएका थिए ।
आइसिसी टी २० विश्वकप एसिया क्षेत्र छनोट कार्तिक १३ गतेदेखि २० गतेसम्म त्रिवि क्रिकेट मैदानमा हुँदैछ ।
१५ सदस्यीय टीममा रोहित पौडेल (कप्तान), कुशल भुर्तेल, आसिफ शेख, कुशल मल्ल, दीपेन्द्रसिंह ऐरी, सन्दीप जोरा, गुलशन झा, सोमपाल कामी, करण केसी, अभिनाश बोहरा, प्रतिश जि.सी, विवेक यादव, सन्दीप लामिछाने, ललित राजवंशी र विनोद भण्डारी समावेश छन् ।
समूह ए मा नेपाल, सिंगापुर, ओमान र मलेसिया छन् भने समूह बी मा युएई, बहराइन, हङकङ र कुवेत छन् । फाइनलमा पुग्ने दुई टोलीले आगामी वर्ष अमेरिका र वेस्टइन्डिजमा हुने टी २० विश्वकप खेल्न पाउनेछन् ।
