देवदह । रुपन्देहीको देवदहमा “सर्पदंश तथा स्पन्दन एवं डेंगी रोग नियन्त्रण” सम्बन्धी जनचेतना कार्यक्रम सम्पन्न भएको छ। उज्यालो लाल्टिन प्रतिष्ठानको आयोजना र राईज हेण्डस नेपालको सहयोगमा उक्त कार्यक्रम सम्पन्न भएको हो ।
कार्यक्रमलाई सम्बोधन गर्दै देवदह नगरपालिका वडा नं २ का वडा अध्यक्ष दल बहादुर राकसकोटिले आयोजक संस्थाले निकै नै महत्त्वपूर्ण कार्यक्रम आयोजना गरेको भन्दै धन्यवाद व्यक्त गर्नुभएको थियो । उहाले हामी नेपालीहरु स्वास्थ्य सम्बन्धी धेरै हेलचेक्राई गर्ने गरेको र स्वास्थ्यलाई मध्यनजर गर्दै विभिन्न स्वास्थ्य सम्बन्धि कार्यक्रमहरु वेला बखत गरिरहनु पर्ने बताउनुभयो । उहाले प्रतिनिधि मुलक सहभागीता रहेको कार्यक्रम सिकेको कुरा आफ्नो गाउँसमाजमा गएर सिकाउन समेत आग्रह गर्नुभयो ।
उक्त कार्यक्रममा डेंगी रोग सम्बन्धि केरवानी स्वास्थय चौकीका ईन्चार्ज काशिराम रेग्मीले र सर्पदंश तथा स्पन्दन सम्बन्धि सर्प उद्धारकर्ता अश्विन राज ओझा र चेत बहादुर सारु मगरले प्रशिक्षण दिनुभएको थियो ।
कार्यक्रममा रेडियो देवदह अध्यक्ष झविद्र प्रसाद पाण्डे, सामजसेवी दिनानाथ अर्याल, नमकान्त पाण्डेय, केशुमाया श्रेष्ठ, लक्ष्मी सिकदेल, हरी बस्याल, सर्प उद्दारकर्ता लगाएत वडा नं १,२,११ र १२ का टोलविकास संस्थाका प्रतिनिधि मुलकको सहभागीता रहेको थियो । कार्यक्रम उज्यालो लाल्टिन प्रतिष्ठानका सदस्य रेनुका थारुको अध्यक्षता, यमकला बलालको स्वागत र मुकेश ज्ञवालीको सञ्चालनमा सम्पन्न भएको थियो ।
