देवदह । रुपन्देहीको देवदह–७ स्थित ग्रीनप्लाट मा.विमा भजन प्रतियोगिता सम्पन्न भएको छ । विद्यालयले कृष्णजन्माष्टमीको अवसर पारेर अतिरिक्त क्रियाकलाप अन्र्तगत कक्षा मन्टेश्वरी देखि १० सम्म प्रतियोगिता आयोजना गरेको हो ।
जस अन्र्तगत कक्षा ४ देखि १० सम्मका विद्यायर्थीहरु बिच सदनगत भजन प्रतियोगिता सम्पन्न भएको थियो । प्रतियोगितामा नारायणी सदन प्रथम, लुम्बिनी सदन द्वितीय,
धौलागीरी सदन तृतीय र गण्डकी सदन सान्त्वना भएको हो। उक्त प्रतियोगिताको करुणा पौडेल र भागिरथ गौडेलले निर्णायकको भुमिका निर्वाह गर्नुभएको थियो ।
कार्यक्रम विद्यालयका प्रबन्ध निर्देशक एक नारायण काफ्लेको अध्यक्षतामा भएको कार्यक्रममा प्राचार्य राजीव सापकोटा, सह–प्राचार्य शंकर सुवेदी लगाएतको उपस्तिथि रहेको थियो । विद्यालयका अतिरिक्त क्रियाकलाप प्रमुख शिक्षिका धनमाया शर्माको संयोजकत्वमा भएको कार्यक्रमको संचालन प्रभा कार्की र आर्यन धमलाले गरेका थिए ।
विद्यालयको अनुसार विद्यार्थीमा अन्तर्निहीत प्रतिभालाई प्रवद्धन गर्न तथा आफ्नो संस्कृतिलाई बचाउनका लागि यस्ता कार्यक्रम आवश्यक रहेको हुनाले विद्यालयले समय समयमा यस्ता कार्यक्रम गर्दैआइरहेको छ ।
