प्युठान। प्युठानको गाैमुखी गाउँपालिकाले जीप दुर्घटनामा परी ज्यान गुमाएका मृतक परिवारलाई प्रतिव्यक्ति ५० हजार रुपियाँका दरले राहत उपलब्ध गराउने भएको छ ।
गाैमुखी -६ लिवाङमा शनिबार भएकाे जिप दुर्घटनामा परी मृत्यु भएका परिवारलाई गाउपालिकाले नगद राहत दिने निर्णय गरेको हो। दुर्घटनामा ज्यान गुमाएका परिवारलाई प्रति व्यक्ति ५० हजारका दरले राहत उपलब्ध गराउने निर्णय भएकाे गाैमुखी गाउँपालिकाका अध्यक्ष विष्णुकुमार गिरिले जानकारी दिनुभयो ।
उहाका अनुसार गाउँपालिकाले ४ लाख रूपैयाँ बजेट तत्कालै व्यवस्था गरेर राहत उपलब्ध गराउने छ ।
अध्यक्ष गिरीले बिपदमा परेका नागरिकलाई राहत उपलब्ध गराउन गौमुखी गाउंपालिकाले कार्यबिधी बनाएको समेत सुनाउनुभयो ।
नौबहिनी गाउँपालिका -६ लुङबाट बेहुली लिएर फर्कँदै गरेको जिप दुर्घटना हुँदा गौमुखी गाउँपालिकाका सात र नौबहिनीका एक गरि आठ जनाको ज्यान गएको थियो। दुर्घटनामा बेहुलाबेहुली सहित ५ जना घाईते भएका थिए।
आइतबार गाउँपालिकाले शोक बिदा दिएको थियो ।
