गुल्मीमा एकीकृत समाजवादी एमालेमा समाहित

उनिहरुलाई नेकपा एमालेका केन्द्रिय उपमहासचिव प्रदीपकुमार ज्ञवाली र सचिव गोकर्णराज बिष्टले स्वागत गरेका हुन् । नेकपा एकीकृत समाजवादी पार्टी नेकपा एमालेमा समाहित भएको घोषणा गर्दै एकीकृत समाजवादी गुल्मीका जिल्ला अध्यक्ष नरेश भण्डारीले बिग्रेको घरलाई पुनः मर्मत गरेर अगाडी बढ्ने बताए । बामपन्थी शक्ती एकताबद्ध भएर मात्रै परिर्वतन हात पार्न सफल हुने उनले बताए। नेपालको कम्युनिष्ट आन्दोलनलाई नयाँ उचाइमा पुराउन सम्पूर्ण देशभक्त बाम पन्थीहरुलाई एकताबद्ध हुन आवहन गर्दै एमालेमा समाहित भएको भण्डारीले घोषणा गरेका थिए । पार्टीका जिल्ला स्तरका नेताहरु नेकपा एमलेमा समाहित भएपछि गुल्मीको क्षेत्रनम्बर– २ मा गठबन्धनबाट नेकपा एकीकृत समाजवादीकी सचिव रामकुमारी झाँक्री र नेकपा एमालेका गोकर्णराज विष्टको चुनावी चर्चा चलिरहेका बेला झाँक्रीलाई ठुलो चुनौती थपिएको छ । गुल्मी जिल्लामा एकीकृत समाजवादीले गत स्थानीय तह निर्वाचनमा सोचेअनुसारको गती हात पार्न सकेको थिएन ।