गठबन्धन दलहरू विदेशीको इशारामा चलेको नेताहरुको आरोप

बिज्ञापन

जनकराज भट्टराई,पाल्पा। नेकपा एमालेका सचीव तथा लुम्बिनी प्रदेश इन्चार्ज छबिलाल बिश्वकर्माले स्थानित तह निर्वाचनपछी एमाले झनै मजबुत र बलियो बनेको बताएका छन।

बिज्ञापन

नेकपा एमाले जिल्ला कमिटी पाल्पाले शनिबार तानसेनमा आयोजना गरेको प्रशिक्षण कार्यक्रममा बोल्दै उनले पार्टीलाई छिन्नभिन्न बनाउन खोज्नेहरूको सपना पूरा नभएको उल्लेख गरे । ‘पछिल्लो समयमा एमाले झनै मजबुत र बलियो बनेको छ।उनले भने, ‘एमालेबाट निस्किएर गएकाहरू अहिले बीचबाटोमा अलपत्र परेका छन्। बन्चरोको बिँडजस्तै भएका छन।’
यसैगरी,नेकपा एमालेका सचिव गोकर्ण विष्टले आगामी मंसिरमा हुने निर्वाचन देशकै लागि जीवन र मरणको लडाइँ भएको बताएका छन। उनले नेकपा एमाले पराजित भए मुलुक नै असफल हुने बताए।

प्रशीक्षण कार्यक्रमलाई सम्बोधन गर्दै बिस्टले एमालेले चुनाव हार्‍यो भने देशको स्वाधीनता र स्वतन्त्रता कमजोर हुने र समाजवादको यात्रा समेत रोकिने दाबी गरे।
एमालेविरुद्ध गठबन्धन गरेका दलहरू विदेशीको इशारामा चलेको उनले बताए। राष्ट्रिय हितमा काम गरिरहेको एक मात्र पार्टी एमालेलाई परास्त गर्न साम्राज्यवादीको चलखेल भएको विष्टले दाबी गरे।

बिज्ञापन

मुलुकको हित र जनताको जीविका भन्दापनि गठबन्धनका नेता पार्टीका नीति, सिद्धान्त र विचार छाडेर सत्ताका लागि लिप्त भएको उनले आरोप लगाए। ती नेताहरूको स्वार्थ पूरा गर्न नदिनको लागि कफन बाँधेर निर्वाचन जान कार्यकर्तालाई निर्देशन दिए।
नेकपा एमालेको सरकारले गरेका काम र गठबन्धन सरकारले एक वर्षमा गरेका कामका बारेमा जनतालाई छर्लङ्ग बुझाउन सके आगामी निर्वाचनमा एमालेको जित पक्का भएको उनले बताए।

कांग्रेसलाई इन्जिन र नेकपा माओवादी केन्द्र र एकीकृत समाजवादीलाई डिब्बाको संज्ञा दिँदै उनले थपे ‘इन्जिनमा लतारिएका डिब्बा कतिबेला चुँडिएर बाटोमा अलपत्र हुनेछन्। अहिले त्यस्तै अवस्थामा माधव कुमार नेपाल र प्रचण्ड पुगेका छन्।’

फरक विचार र सिद्धान्त भएका दलहरूबीचको गठबन्धन स्वार्थ पूरा नभएपछि टुट्ने अवस्थामा पुगेको उनले बताए। गठबन्धनकाे सीट बाँडफाँडकै विषयमा सहमति हुने संभावना कम रहेको नेता विष्टले बताए।

सम्बन्धित खवर

साहित्यकार सृजना अर्याल ‘विराट म्युजिक एण्ड फिल्म अवार्ड’ बाट सम्मानित

पहिरोमा परेको बस त्रिशूलीमा डुबेपछि जसले पौडिएर ज्यान जोगाए

पोखरामा पहिरोले घर पुरिँदा ११ जनाको मृत्यु, ४ जना घाइते

भैरहवामा बुद्ध एयरको जहाज रनवेमा चिप्लियो, सबैजना सकुशल

नारायणगढ–मुग्लिन सडकमा पहिरोले २ वटा यात्रुबस बगायो, करिब पाँच दर्जन यात्रु बेपत्ता

शेयर बजार एक वर्षपछि २२ सय विन्दुमाथि

बागलुङमा पहिरोले घर पुरिँदा घर भित्रै सुतिरहेका एक जनाको मृत्यु

न्यू नमुनामा शिक्षक अभिभावक अन्तरक्रिया कार्यक्रम सम्पन्न