काठमाडौं । नेपाल क्रिकेट संघ (क्यान) ले क्रिकेट वर्ल्ड कप लिग टूका लागि २२ जना क्रिकेटरलाई बन्द प्रक्षिणकाे लागि बोलाएको छ ।
जसमा नेपाली राष्ट्रिय टिम कप्तान रोहितकुमार पौडेल, कुशल भुर्तेल, आसिफ शेख, अनिल साह, देव खनाल, भीम सार्की, आसिफ शेख, कुशल मल्ल, दीपेन्द्र सिंह ऐरी, अर्जुन साउद र सोमपाल कामीलाई बन्द प्रशिक्षणमा बोलाएको हो ।
यस्तै करण केसी, गुल्सन झा, कमल सिंह ऐरी, रिजन ढकाल, सन्दीप लामिछाने, ललित राजवंशी, सूर्य तामाङ, बसिर अहमद, आकाश चन्द, सागर ढकाल र सन्दीप जोरा पनि टोलीमा छन् ।
स्पिनर सन्दिप लामिछाने, कप्तान राेहित पाैडेर र अलराउण्डर दिपेन्द्र सिंह एैरी यतिबेला जि टि-20 लिगमा क्यानडामा रहेका छन ।
क्यानडामा आगामी महिना हुने श्रृंखलामा नेपाल, क्यानडा र ओमान खेल्नेछन् । नेपालले विश्वकप लिग- २ मा दोस्रो श्रृंखला खेल्न लागेको हो ।
यसअघि घरेलु मैदानमा खेलेको पहिलो श्रृंखलामा चारमध्ये ३ खेल हारेको थियो भने एउटा जितेको थियो ।
