बुटवल । एसीसी प्रिमियर कपको सेमिफाइनलमा आज नेपालले युएईसँग खेल्दैछ ।
ओमनमा जारी एसीसी प्रिमियर कपको सेमिफाइनल खेल नेपाली समयअनुसार बिहान ११.४५ मा सुरु हुनेछ ।
समूह ‘ए’ को विजेता बनेको नेपालले आज समूह ’बी’ को उपविजेता युएईसँग सेमिफाइनल खेल्न लागेको हो । समूह ’ए’ उपविजेता हङकङले समूह ’बी’ को विजेता ओमनसँग आजै सेमिफाइनल खेल्दैछ ।
समूह चरणमा नेपाल र ओमनले चार ओटै खेलमा जित हासिल गरेका छन् । यूएई ३ खेलमा जित र एक खेलमा हार र हङकङ दुई खेलमा जित र दुई खेलमा हार बेहोरेको छ ।
प्रतियोगिताको विजेता टोलीले २०२५ मा हुने एसिया कप खेल्न पाउनेछ ।
