एकादशीमा रेसुङ्गा पोखरीमा स्नान गर्न दिनभर नै श्रद्धालुकाे घुइँचाे

बिज्ञापन

गुल्मी । हरिबोधनी एकादशीको अवसरमा गुल्मीको धार्मिक स्थल रेसुङ्गामा आज दिनभर श्रद्धालुहरूकाे घुइँचाे लाग्यो ।

बिज्ञापन

पूजाआजाका लागि श्रद्धालुहरू बेलुकी अबेरसम्म पनि रेसुङ्गा क्षेत्रमा पुगेका थिए । रेसुङ्गा पोखरीमा स्नान गरी यज्ञशाला मन्दिरमा पुग्ने श्रद्धालुकाे चाप पनि उत्तिकै थियो ।

रेसुङ्गामा जङ्गलको बीचमा रहेको पोखरीमा स्नान र पूजाआजा गर्नका लागि गुल्मीसहित पाल्पा, बाग्लुङ, अर्घाखाँची, स्याङ्जालगायतका जिल्लाबाट श्रद्धालु आउने गर्दछन् । हरिबाेधनी एकादशीको दिन रेसुङ्गा पोखरीमा स्नान गर्नाले चारधाम जान नपर्ने र समृद्धि प्राप्त हुने धार्मिक विश्वास छ ।

बिज्ञापन

मनोकामनासमेत पूरा हुने धार्मिक विश्वासका कारण रेसुङ्गा पोखरीमा स्नान गर्नेकाे घुइँचो लाग्ने गर्दछ । त्रेतायुगमा राजा दशरथलाई पुत्र नभएपछि यसै ठाउँमा आएर पुत्रेष्टि यज्ञ गरेपछि पुत्र लाभ भएको भन्ने धर्मशास्त्रमा उल्लेख गरिएको छ ।

रेसुङ्गा पुग्नका लागि सदरमुकाम तम्घासदेखि रेसुङ्गा पोखरीसम्म सडक कालोपत्र भएको छ । पक्की सडकको सहजै पहुँच भएपछि बालबालिकादेखि वृद्धवृद्धासम्म यातायातको माध्यमबाट सजिलै रेसुङ्गा पुग्न सक्छन् । पोखरी क्षेत्र र मन्दिर परिसरभित्र रेसुङ्गा संरक्षण समितिले व्यापारीलाई माछामासु र जाँड–रक्सी बेच्न रोक लगाएको छ । ठूलो एकादशीको रूपमा समेत चिनिने हरिबाेधनीलाई गुल्मीमा विशेष महत्त्वको रूपमा मान्ने प्रचलन छ ।

यसैगरी कालीगण्डकी र रुद्रवेणी धाममा पनि बिहानैदेखि स्नान गर्ने, पूजापाठ गर्ने श्रद्धालुको घुइँचाे लागेको छ ।

सम्बन्धित खवर

एमाले गुल्मीको अध्यक्षमा बालसिंह काउछा निर्वाचित

मानव सेवा आश्रम सहयोगका लागि इद धमका

न्यू नमुनामा युवा रेडक्रस सर्कल र बाल क्लब गठन

विश्वभरि विस्थापितको सङ्ख्या बाह्र करोड : राष्ट्रसङ्घ

सत्ता र शक्तिको आडमा कसैले उन्मुक्ति पाउनु हुँदैन : नेता विश्वकर्मा

Los Casinos Online Más Destacados de Chile en 2024

Chayon malhami 2024: Kengaytingizda ushbu ichki kuchli hamshiraga ega bo’ling

देवदह बुद्ध पब्लिकमा रेडक्रस र बाल क्लबमा नयाँ नेतृत्व