बुटवल । अस्ट्रेलियामा फिल्मकाे लागि नेपालको गाउँ जस्तै देखिने सेट बनाइएको छ।
हलिउड फिल्म ‘द आइस रोड २’ का लागि अस्ट्रेलियाको भिक्टोरियामा नेपालको गाउँजस्तै देखिने सेट बनाइएको हाे।
यस फिल्ममा नेपाली गाउँको कथा समेट्नु पर्ने भएपछि उक्त सेट तयार पारिएको हो। भेरायटी म्यागेजिनका अनुसार यस फिल्मको सुटिङ पहिले उत्तरी क्यानडामा गर्ने योजना थियो तर निर्माण टिमले अस्टेलियाको भिक्टोरियामा सारेका हुन्। हाल फिल्मको छायांकन भिक्टोरियास्थित वालहल्लामा भइरहेको छ।
अस्ट्रेलियामा नेपालको पहिचान र संस्कृति झल्कने गरी सेट तयार पारिएको छ। बेन्जी डूडल युट्युब च्यानलमार्फत एक भिडिओ सार्वजनिक गरिएको छ। जसमा अस्ट्रेलियामा बनाइएको नेपाली गाउँको सेट देख्न सकिन्छ।
यो फिल्मको छायांकनबाट भिक्टोरिया राज्यलाई २० मिलियन अमेरिकी डलर फाइदा हुने बताइएको छ। यसले भिक्टोरिया राज्यमा ६०० जनाले रोजगारीको अवसर पनि पाउने छन्।
