अर्घाखाँचीको सन्धिखर्क नगरपालिकाले हरिबाेधनी एकादशीकाे अवसरमा बिहीवार सार्वजनिक बिदा दिएको छ । हरिबोधनी एकादशीको अवसरमा सन्धिखर्कको त्रिवेणीधाममा मेला लाग्ने तथा सन्धिखर्क र चुत्राबेसी बजारमा देउसी, भैली पनि नाच्ने गरिन्छ ।
नगर प्रमुखस्तरीय बैठकले सार्वजनिक बिदा दिएकाे नगरपालिकाले जनाएकाे छ । हरिबोधनी एकादशीको अवसरमा नगरपालिकाभरका वडा कार्यालय, शिक्षण संस्था, स्वास्थ्य चौकी तथा आधारभूत स्वास्थ्य सेवा केन्द्रहरूमा बिदा दिएकाे नगरपालिकाकाे सूचनामा उल्लेख छ ।
