नेपाली राष्ट्रिय क्रिकेटमा टिमका ६ खेलाडीलाई अमेरिकामा टि–२० लिग खेल्ने निम्तो आएको छ। फ्लोरिडामा हुन लागेको युएस ओपनर टि–२० क्रिकेटका लागि अलराउन्डर दीपेन्द्रसिंह ऐरी, कुशल मल्लसहित ६ जनालाई प्रस्ताव आएको हो।
दीपेन्द्र र कुशलसहित ओपनर अनिल साह र आसिफ शेख, अलराउन्डर आरिफ शेख तथा स्पिनर ललित राजवंशीलाई युएस ओपनका लागि प्रस्ताव आएको हो। तर, उनीहरुले खेल्ने नखेल्ने अहिले टुंगो लागिसकेको छैन।
कृकेट एशाेसिएसन अफ नेपालले खेलाडीलाइ अमेरिका पठाउन सहयाेग गर्ने बताएकाे छ । भिषा लागेकाे खण्डमा नेपाली खेलाडीहरू अमेरिकामा लिग खेल्न जानेछन ।
नेपाल टि–२० लिग च्याम्पियनको विजेता टिम लुम्बिनी अल स्टार्सको समकक्षी टिम डालास अल स्टार्सले उनीहरुलाई निम्तो दिएको छ। नेपाल टि–२० लिगमा लुम्बिनीलाई दीपेन्द्रले कप्तानी गरेका थिए भने अनिल पनि टिममा थिए।
युएस ओपन डिसेम्बर ८ देखि १६ सम्म आयोजना हुनेछ। प्रतियोगितामा ८ टिमको सहभागी रहनेछ छ। प्रतियोगिताको विजेताले २ लाख ५० हजार डलर पाउनेछ।
