अन्तराष्ट्रिय अपाङ्गता दिवसको अवसरमा सम्मान तथा सहायता सामग्री हस्तान्तरण

बिज्ञापन

देवदह // रुपन्देहीको देवदहमा अन्तराष्ट्रिय  अपाङ्गता दिवसको अवसरमा सम्मान तथा सहायता सामग्री हस्तान्तरण कार्यक्रम सम्पन्न भएको छ । देवदह नगरपालिकाको आयोजना र अपाङ्ग समाज सेवा केन्द्रको  समन्वयमा सो कार्यक्रम भएको हाे ।

बिज्ञापन

देवदह नगरपालिकाकाे नगर उपप्रमुख विद्यालक्ष्मी गुरुङको अध्यक्षतामा भएकाे कार्यक्रममा अपाङ्गता भएका व्यक्तिलाई उचित स्याहार सुशार गर्ने एक घरका सदस्यलाई सम्मान पत्र, दोसल्ला र नगद सहित सम्मान गरिएको थियो भने अपाङ्गता भएका व्यक्तिलाई बल्याङ्केट र सहायता सामग्री हस्तान्तरण गरिएको हो । सम्मान पाउनुहुनेमा तारा चौधरी, प्रकाश तिवारी, गंगा बहादुर रास्कोटि, राम बहादुर सार्की, नारायण/ मन बहादुर सारु, विष्णु बहादुर मगर , तुल बहादुर पुन मगर, छवि जि.सी, रमेश चौधरी, होम बहादुर राना, पुजनी हरिजन लगाएत रहनुभएको थियो । साथै अपाङ्गताको क्षेत्रमा योगदान पुर्‍याए बापत द लेप्रोसी नेपाल ईम्प्याक्ट परियोजना, नयाँ जीवनका लागि हातेमालो संस्था र सोईया महिला स्वावलम्बी संस्थालाई पनि सम्मान गरिएको थियो ।

कार्यक्रममा बोल्दै देवदह नगरपालिकाको नगर उपप्रमुख गुरुङले एकतिसौँ अन्तर्राष्ट्रिय अपाङ्गता दिवसको शुभकामना दिदै देवदह नगरपालिकाले अपाङ्गता भएका व्यक्तिहरूका लागि विभिन्न कार्यक्रमहरू गरिरहेको बताउनुभयो। उहाले हरेक डिसेम्बर ३ मा विभिन्न कार्यक्रम गरी अपांङ्गता दिवस मनाईने र लक्षित वर्गलाई प्रभाव पर्ने गरि यसलाई निरन्तरता दिने बताउनु भयाे ।

बिज्ञापन

कार्यक्रममा देवदह नगरपालिका वडा नं ७ का वडा अध्यक्ष कृष्णप्रसाद अधिकारी, नयाँ जिवनका लागि हातेमालो संस्थाको वरिष्ठ परियोजना संयोजक मना पाण्डे लगाएतले बोल्दै अपाङ्गता भएका व्यक्तिहरुको लागि न्युनतम सेवा सरकारले दिने प्रक्रिया सुरु गरेको बताएका थिए । अपाङ्ग समाज सेवा केन्द्रको  सह सचिव धर्मप्रसाद सापकोटाको स्वागत र इन्दिरा भुषालको सञ्चालनमा कार्यक्रम सम्पन्न भएकाे थियाे ।

सम्बन्धित खवर

साहित्यकार सृजना अर्याल ‘विराट म्युजिक एण्ड फिल्म अवार्ड’ बाट सम्मानित

पहिरोमा परेको बस त्रिशूलीमा डुबेपछि जसले पौडिएर ज्यान जोगाए

पोखरामा पहिरोले घर पुरिँदा ११ जनाको मृत्यु, ४ जना घाइते

भैरहवामा बुद्ध एयरको जहाज रनवेमा चिप्लियो, सबैजना सकुशल

नारायणगढ–मुग्लिन सडकमा पहिरोले २ वटा यात्रुबस बगायो, करिब पाँच दर्जन यात्रु बेपत्ता

शेयर बजार एक वर्षपछि २२ सय विन्दुमाथि

बागलुङमा पहिरोले घर पुरिँदा घर भित्रै सुतिरहेका एक जनाको मृत्यु

न्यू नमुनामा शिक्षक अभिभावक अन्तरक्रिया कार्यक्रम सम्पन्न